‘Amavas’ Tsüklai 1 nü sayatsü

Aenjeti/January 05 (Agencies): Actress Nargis Fakhri indang taruba film ‘Amavas’, koba Aenjeti/January 11, 2019 nü sayatsü ternemba liasü saka maparentem metembangtetba ajanga film ya Tsüklai/February 1 nü ang sayatsü ta film yanglurtemi osang metetdaktsü.
Film sayatsü anogo thinenba ya visual effects aser post production dak sendakba maparen matemba ajanga lir, ta kasa osang ajanga metetdakja liasü.
“Film atema VFX temaba jenjang nung amshia yanglutsü meranger aser aji mapang agitsü maparen ka lir. Film ya junga renema yanglur sülen ang sayatsü tebilemba lir aser iba denji külemi sen o mapang indoka yangluba ama film ajanga tajangzük angutsü nükla lir,” ta film director, Bhushan Patel-i ashi.
Taoba mapang Television series dak alaka, Patel-i horror film tem talisa ‘Ragini MMS 2’, ‘1920 Evil’ aser ‘Alone’ direct süa lir.
‘Amavas’ ya horror film ka asütsü. Iba film nung Sachiin Joshi, Vivan Bhathena, Navneet Kaur Dhillon, Mona Singh aser Ali Asgar nungeri tongti shilem agiba angutsü.