Amazon, Flipkart ‘Independence Day Sales’ nung oset tem,shilem 70 tashi tajemba nung agütsütsü

August 7, 2017 (Agencies): Independence Day matong tsüngda E-commerce tetsüti company ana Amazon aser Flipkart nati pre-Independence Day sales – The Great Indian Sale aser The Big Freedom Sale akatsüba sangdongogo. Iba sale ya August 12 nü anepdang 12 ako nungi tenzüktsü.
Flipkart pur Big Freedom Sale nung smartphones, TVs, Electronics aser iba la mesükba products tem nung sen jenjang ajemer ayokba iba sale mapang angutsü. ‘Largest Democracy, Legendary Deals’ sentong kübok Flipkart puri osettem nung shilem 70 tashi agi tajemba nung agütsütsü. Oset alirtemi HDFC Bank debit aser credit cards amshiba ajanga sen shilem 10 meyipa agutsüba maongka agitsü akok. Flipkart puri parnok indang website nung ghonda 72 Xiaomi Redmi Note 4 Sale alitsüba sangdongogo aser iba den talila sen 1,000 exchange offer ama agütsütsü.
Flipkart den tokteper Amazon India-i Great Indian Sale nung mobile phone tem nung shilem 35 tashi offer agütsür aser Power banks, headphones aser Bluetooth headsets nunger amala nung shilem 40 tashi offer agütsür. Tanga electronic osettem shilem 50 tashi agi tajemba nung angutsü. Fashion aser Home aser Kitchen Appliances tem nung shilem 70 tashi agi tajemba nung angutsü. Iba den bendenloksema Amazon Pay aser SBI Debit aser Credit cards amshia app ajanga sen agütsüra Amazon puri sen shilem 15 meyipa agütsütsü aser parnok website ajanga sen agütsüra sen shilem 10 tashi meyipa agütsütsü. Amazon Great Indian Sale mapang nunga Amazon Prime member tem atema Prime exclusive deals alitsü.