Amazon Great Indian Sale tenzükogo

Aenjeti 22, 2018 (Agencies): Amazon Great Indian Sale koba Amongnü tenzükogo iba ya e-commerce company tetsüti Amazon pur atema 2018 küm mezüngbuba sentong tulutiba  asütsü. Iba sentong ya Aenjeti 21 nungi 24 tashi akatsü. Great Indian Sale nung smartphone tem aika discount nung agütsüba angutsü. Iba den bendenloksema Amazon puri smartphone accessories tem; Bluetooth headsets, power banks, mobile cases nunger amala nunga jenjang ajemshitsüogo. Iba yokyatsüyaba sentong ya Prime members tem atemabo anogo ka jilia lia lapoktsü, aser HDFC Bank debit aser credit cards amshirtem atema 10 percent cashback dena agütsür.