Amber Rose-i social media amshiba anena atar

Los Angeles, November 29, 2016 : Model aser actress Amber Rose-i mapang tatsüka atema social media mamshitsü.
Arishi küm 33 tain, Rose-i tang nungi tenzüka küm matem tashi Twitter, Instagram aser Facebook mamshitsü, ajisüaka iba mapang la den yariteper kati la melena noksa aser tatalokbatem pa account nung post sütsütsü, ta people.com osang ajanga metetdaktsü.
Rose-i la social media mamshitsü indang osang ya Hombarnü Instagram ajanga video ka dena metetdaktsü. Lai, “Medemertem, tang nungi tenzüka taküm küm matem tashi ni social media mamshitsü nenok ajak nem metetdaktsür. Anungji kü den yariteper, Jo-i kü melena kechisarena post asütsü,” ta ashi.
Aji oda süaka, “Sister Code” film nung shilem agila, Rose-i 2017 küm nungibo ano social media amshi tenzüktsü.
Asenok küm tasenba nungang ajurutepdi, ta lai ashi.
Tesüiba mapang nung la medema alisang, Wiz Khalifa den la jabaso ka agi sosema lir aser joko tena jabasoji arishi küm 3 tain kümogo. Lai, “Sodi tepela nung mungang,” ta instagram post nung shia lir.