Ambrane-i Smart Band ka sayaogo

Mongputeni/October 30 (Agencies): Computer peripheral aser mobile accessory yangluba IT brand, Ambrane-i ‘Smart Band AFB -20’ ta nüngja agütsüba smart band tasen ka sayaogo.
Smart band display ji rectangular asütsü aser silicone strap inoka yanglutsü. Iba band nung ‘Step Pedometer’ ka lir koba ajanga asen temang nung calorie arongba, jajaba aser asemzüba asadanga metetdaktsür. Iba den bendenloksema, Smart Band yagi mejangba tem asadangtsür.
Company-i ashiba agi, 45mAh battery inoka yangluba band indang standby time ji anogo tenet tashi asütsü. Phone nung aruba message, Email, WhatsApp aser call tem notification ajanga iba fitness tracker yagi sayutsü.
Iba dak alia, AFB-20 nung Anti Lost Alert aser Find Phone feature inoka yanglutsüogo. Tamshirtemi iba app teyari ajanga pei indang mobile mesüra tablet bushitetter.
AFB-20 smart band amshitsü atema tamshirtemi Google Play Store aser Apple App Store ajanga Flag Fit app download asütsüla. Iba smart band ya retail aser Online store ajanga sen 1,999 agi angutsü.