America-India den tesentaktep tashi itta lir: US

Washington, October 22 (Agencies): America nunger India den tesentakatep tashi kanga itta lir, ta Honibarnü US-i ashi.
Obama’er ketdangsüba India den tesentaktep kanga tashi tait, ta State Department otongdar, John Kirby-i osangbenertem senden nung metetdaktsü.
“Kigali nung onoki India den o lemtep junga kaogo, aser tangbo telemtetba tajung agia lir. Item o lemtep nung India-i shilem junga agiba ajanga iba jenjang tongtet,” ta Kirby-i ashi.
Tasüngdangba ka langzüdang pai Goa nung 8buba BRICS Summit akaba junga agizük.
“BRICS linüktem taabuba onük nung- kiralongra anema raratsü, mapatongtem, tasa senotsü teindokbatem indang nung linük tsüngda aser linüktem tsüngda o lemtepba naprong onoki junga agizüker; ibaji atangji nung longjemer inyakra tajung asütsü.  Anungji iba ama onük aika nung o lemtepbaji onoki pelaa agizüker,” ta paisa metetdaktsü.