American Black Film Festival Honors nung Queen Latifah nem sempet agütsütsü

February 16, 2017 (Agencies): Rap kentener aser actress, Queen Latifah nem American Black Film Festival Honors nung ‘Entertainment Icon’ sempet agütsütsü. Iba sentong ya Los Angeles nung February 17 nü akatsü.
“Iba sempet kü nem agütsütsü asoshi shimba asoshi ni kanga pelar,” ta lai osangbener dang ashi.
Iba kasa sentong nung Denzel Washington nem ‘Hollywood Legacy Award’ sempet agütsütsü aser Empire nung shilem agisang, Terrence Howard aser director, F. Gary Gray na nem ‘Excelence in the Arts Award’ sempet agütsütsü.
Kaketzülur aser actress, Issa Rae nem ‘Rising star Award’ sempet agütsütsü.
American Black Film Festival Honors sentong ya actress, Regina Hall-i ketdangsüa agitsü.