American celebrity talk show ketdangsütsü atema Priyanka dang asüngdang

October 27, 2015: India tsür Priyanka Chopra-i US TV series “Quantico” nung shilem junga agitetba sülen la dang American celebrity talk show ketdangsütsü atema asüngdangogo.

Arishi küm 33 Priyanka ya maneni tanem tanemi America nung nüngtugu kümdagi. Tamasa lai kentenba nung ajemok aser Planes film nung Disney character atema la ola amshia liasü.

Iba dak alia lai American television drama, ABC indang “Quantico” nung tongti shilem agidar.

“La dang American celebrity talk show ketdangsütsü atema ABC-i asüngdangogo. Ajisüaka lai telangzüba agüja mali,” ta osang ka ajanga ashi.

“Quantico” nung actress Priyanka-i tesadang ka-America nunger aser tesadangka India tsür Alex Parrish shilem agir, aser laji FBI atema tongti temulung malemerji la adoker.