American nunger ken mejemer aser ken tener Tommy Page süogo

March 5, 2017 (Agencies): Page shiba 1990 küm ‘I’ll Be Your Everything’ ken yangluba ajanga ajaki tali jangja aküm, pa Hokolbar March 3 nü sür lia angu.
Billboard magazine koba nung Page associate publisher ka ama 2011 nungi 2013 tashi inyaka liasü, iba nung Editor temi pa soseta asü ta osang agütsü.
Asür Page-i ‘I’ll Be Your Everything’ ken ‘New Kids On The Block’ nung züngsem Jordan Knight aser Danny Wood den külemi iba ken mejem. Iba ken America nung Billboard Hot 100 singles chart nung temaba jenjang tongteta liasü.
Pa wadang tepiyong nung pai kensep 7 saya liasü, aser ‘Warner Bros subsidiary Reprise Records’ nunga record executive ka ama takok ngua inyak.
Pa ‘Warner Bros subsidiary Reprise Records’ nung mapa inyak mapang nung pai Michael Buble, Alanis Morissette, Josh Groban, aser Green Day nunger yaria liasü.
Page-i pa kinungbo Charlie aser dena chir parnok asem, ta doktsür arishi küm 46 buba nung iba lima nungi pila ogo.