‘American Soul’ nung Michelle o Rowland nati shilem agitsü

Luchii/December 22 (Agencies): BET indang taruba music show ‘American Soul’ drama series nung Michelle Williams aser Kelly Rowland nati Diana Ross o Gladys Knight shilem agitsü ternemba lir.
‘American Soul’ music show ya Soul Train tentettsüsang Don Corneliu taküm nung ajemdaker yanglutsü, kong kentener telok Destiny’s Child tanaben longjemba indang shilem tilaka sayaba den külemi nüngtugu music mongin Ross aser Knight na indang shilem agiba angutsü.
Jesse Collins Entertainment ajanga produce asütsü aliba series nung Bobby Brown (Rufus Thomas), Gabrielle Dennis (Tina Turner), McKinley Freeman (Ike Turner) aser K. Michelle (Martha Reeves) nunger cast rongnung densema lir.
”@BET’s #AmericanSoul! nung shilem agitsü maongka anguba atema ni kanga pelar,” ta Twitter ajanga Michelle-i lemsatep.
Arishi küm 38 tain Michelle, lai la tetong pastor Chad Johnson den tanaben pilaba osang sangdongba sülen ita ka tetsüngda nung project tasenba (American Soul) osang metetdakja liasü.
Michelle-i ashiba agi, Chad den pilaba anogo nungsa la indang ken single tasen ka – ‘Fearless’ sayaa liasü.
” ‘Fearless’ ken nüngja ama ni tsübuseta mesüra arentaka malir aser tang ni kü kija dang! Bilemba ama maparentem matalok. Tsüngremi pa (Chad), par kibong aser wadang moajangma,” ta Instagram ajanga Michelle-i lemsatepa liasü.