Amit Sadh-i Sarkar 3 atema shilem agir

Mumbai, October 19 (Agencies) : Actor Amit Sadh-i taoba mapang Kai Po Che!, Guddu Rangeela aser Sultan film tem nung shilem agiogo aser Mongulbar nungi pai Ram Gopal Varmas indang film Sarkar 3 nung shilem agitsü tenzükogo.
“Ni tanü nungi alima tasen ka nung ajemoker, reju tasen ka nung. Taoba mapang pungmang ka ama liasü saka tang asangsang nung atalokogo. Ni kanga jangratema bilemer aser film ka nung Amitabh Bachchan jakdang noktaktsübaji asükjanga moronga bilemer.” ta Amit-i sangdong ka nung metetdaktsü.
“Sir Ramu (Varma)-i direct asüba film ka nung shilem agitsü maongka angubja atema ni kanga pelar” ta paisa shisem.
Sarkar 3 nung Amitabh-i Subhash Nagre ama maneni shilem agitsü. Film nungsa Rohini Hattangadi, Jackie Shroff, Manoj Bajpayee, Ronit Roy, Bharat Dhabolkar aser Yami Gautam nungertem lir.
Taoba mapang Sarkar aser Sarkar Raj film temji Marathi politics nung ajemdaker yangluba otsütem lir aser Varma-i dang zülua direct asü.