Amit Shah-i July 14 nü Assam semdangtsü

Guwahati, July 11 (Agencies) : BJP National president, Amit Shah-i northeast nung Maha Sampark Abhiyan (mass contact mission) mapa inyakba aser sangküm Assam assembly election agitsü aliba atema mapa inyakbatem reprangdangtsü.
July 14, 2015 nü Amit Shah-i Assam semdangtsü aser iba mapang pai Assam dang msü saka north east state balala nung BJP indang maparen inyakba osang agiteptsü.
Mongulbar nü Shah BJP party in-charge-i Shah den ajuruteptsü.
“Shah-i semdangba rongnung tongtipangbaji northeast nung Maha Sampark Abhiyan inyakba osang metettsü atema lir. Assam nung assembly election agitsü atema küm ka jungmajung mapang anünga lir aser iba dak sendakba atema pai osang agiteptsü” ta BJP tongti lennir kati ashi.
Tawa tu Assam state BJP-i Maha Sampark Abhiyan maparen inyakba osang reprangshimogo. Iba mapa ajanga BJP-i züngsem lakh 25 shi ka jungnüa renemshiba maparen inyaker. Lok Sabha election sülen BJP-i cellphone ‘missed call’ service tenzükba mapang item züngsemtem ya anidenba lir.
Maha Sampark Abhiyan kübok parnoki züngsem noklang nung shilem 60 tongogo ta Assam BJP lennir kati ashi.
“Amit Shah marudang onoki züngsem ajak ayimjemtsü meranger. Ozü lennir aser mapa inyakertemi iba alizüng atongtsü meranger” ta paisa ashi.
Amit Shah-i tan agi tanabenbuba Assam semdanger asütsü. Pai taküm April ita nunga Assam semdangogo.