Amit Shah-i Mizoram semdangtsü

Aizawl, Rongjui/September 26 (Agencies): Union home minister Amit Shah-i October 5 nü Mizoram semdangtsü sentong lir. Citizenship amendment bill benoktsü tebilemdangba aliba dak sendakba nung North East den angatetteptsü nükjidong nung pai Mizoram semdangtsü.
Paisa, Mizoram nung BJP party kübok inyakertem den ajuruteptsü.
Assam finance minister aser North East Democratic Alliance (NEDA) convener Himanta Biswa Sarma-i October 1 nü Mizoram semdangba sülen Shah-i iba state semdangtsü.
Iba ita Guwahati nung NEDA convention mapang Shah-i, citizenship bill tasenba ya stakeholder ajak den kanga junga angatettepba sülenang Parliament nung benoktsü ta shiogo. Pai ashiba agi, iba bill ya Parliament nung taruba session nung benoktsü aser iba masüdang inyakyim ajak tembanga inyaktsü.