Amit Shah-i RSS tongti, Bhagwat ajuru

Vrindavan (Uttar Pradesh), September 02 (Agencies): Hokolbarnü Vrindavan yimti nung BJP Tir, Amit Shah Rashtriya Swayamsevak Sangh (RSS) senden nung adenba sülen pai RSS tongti, Mohan Bhgawat ajuru.
Iba senden nung RSS den sendaka aliba tentet 40 dendar.
Tanü senden tembangba sülen Shah-i Bhagwat den senden amen. Iba senden nung RSS lenir Dattatreya Hosabale, Sangh joint general secretary, Soni, Krishna Gopal aser Ram Lal nungera densema liasü.
Iba senden nungji parnoki kechi onüksa jembiar mejangjar, ajisüaka senden nungji Deobarnü Union Cabinet ulushitsü atema-a jembiogo, ta osang angazüker.
Iba senden nung jembidang RSS lenir, Suresh Soni-i, nüburtemi RSS agizük tenzükogo, ta metetdaktsü.
Anogo asemnü senden nung RSS aser iba telok den sendakba teloktemi linük aser alima onüktem atema jembiba den külemi parnok indang mapatem nung rangloker iba senden akatsü, ta sangdong ka ajanga ashi.
Kerala aser West Bengal nung RSS nung inyakertem tepsetba aser Centre sorkari Jammu & Kashmir nung yimjung atema meranga inyakba onüktema iba senden nung jembitsü, ta kasa sangdong ajanga ashi.
Iba senden nung adener kati osangbenertem den jembidang, “West Bengal aser Kerala na nung yimtenren dak sendakba onüktema jembi, nisung aikati iba onük jembitsü atema tasü meittettsü,” ta ashi.
Paisa, Centre nung BJP-i aniba NDA sorkari Kashmir onük atema ozüng takang agi inyaker, aser ibaji RSS-i pelaa agizüker, ta ashi.
Anogo asemnü senden nung senden telemsa 16 alitsü, aser Hokolbarnü sendnen trokbo menogo.
Deobarnü Union Cabinet nung ministry kar melentepba den külemi tasenpur ka shimoka tenangzükba agia Cabinet ulushitsü lia tanü BJP National Tir, Amit Shah-i RSS tongti, Mohan Bhagwat ajurur.