Amitabh Bachchan-i AKRHZ sentong ketdangsütsü

Mumbai, October 18 (Agencies): “Kaun Banega Crorepati” nung ‘quiz-master’ Amitabh Bachchan-i pa indang TV show “Aaj Ki Raat Hai Zindagi” (AKRHZ) tenzüktsü asoshi koma ang ka mesüi bilemer. Pai iba sentong tenzükdang nüburtemi koma bilemtsü ta shisadanger.
Big B-i nüburtemi AKRHZ sentong nanga agizüktsü magizüktsü ta bilemba Deobar nü social media ajanga lemsatepa liasü.
Arishi küm 73 tain, Amitabh- ketdang asütsü aliba (host) sentong ya Star Plus nung Honibar nü nungi tenzüka yoktsü aser iba sentong nung pa khenyongi balaka nung angutsü.
Iba sentong nung pa shilem tasenba nüburtem saputsü südi ta pai kanga tamang akar.
“Sentong tasen ka lapokdang teti tamajungba nungi jenbutsü bilemer aser imla atar,” ta pai ashi.
Iba sentong ajanga nüburtemi tetsükdaktsü ajak kokteta lokti ajungtsü asoshi bendanga agüja inyakba aser libaliroba tuteta sayutsü.
“Piku” film nung shilem agisangi, iba mesükba sentong ya alima ajak nung lir ajisüaka AKRHZ sentong yabo tanga dang nungi tera balaka asütsü, ta metetdaktsü.
Iba sentong nung Alia Bhatt, Ajay Devgn aser Daler Mehndi nungeri-a tetushi tesemdanger ama shilem agitsü.