Amitabh Bachchan-i media dang pelaba metetdaktsü

August 15, 2015:Bollywood nung kanga dang nüngtugu actor Amitabh Bachchan ya pai inyakba aser shilem agiba ajak nung mongin ka lir. Film tem nung pa akümket tejak kodang ngudir nübur ajak marakzüi mener repranger, ta media ajanga metetdaktsü.
Media ajangasa ashiba agi, pai küm 40 dak tema bollywood nung shilem agia aruba mapang film aika nung shilem kangsa junga agiogo aji oda süaka, pai Sholay film nung ‘Jai’ ama shilem agiba nüburtemi tang tashi mamateter.
Amitabh Bachchan-i, “Media-i Sholay film yanglur küm 40 tashi mamai tushiba atema kanga pelar,” ta twitter ajanga lemsatepogo.
Sholay film ya film director, Ramesh Sippy-i direct asüba lir aser August 15, 1975 nü sayaba mapang box office kanga ajangzüka liasü.