Amitabh Bachchan TB-Free India sentong nung shilem agi

Mumbai, March 25 (Agencies): Bollywood nung nung nüngtugu actor Amitabh Bachchan-i sorkar indang ‘tuberculosis-free India’ sentong pusema jembiogo.
“Ni TB free India atema Minister of Health pusemer,” ta Amitabh-i Hokolbarnü tweet asü.
Küm 74 tain actor ya tuberculosis agi shiranga liasüba nisung ka lir. “Treatment tema magiba ajanga TB Drug-Resistant akümer,” ta paisa ashi.
Pai maneni pa sapurtem aser nüburtem dang treatment agitur manentsü asoshi ajungshi. “TB tashidak ya menepba tashidak ka masü. India nung TB samadaktsütsü asoshi sorkar sentong nung külemi longjemer inyakti,” ta pai ashi.
J.P. Nadda, Union Minister of Health and Family Welfare-i #India vs TB, TB- Free India campaign amenloka liasü. Amitabh TB-Free India ambassador lir.
Shilem asem küma lemsar agiba sentong nung; iba tashidak keta aliba yimyatem metettsüba, treatment tema agitsü nüngdakba, TB ajanga kibong aser tanurtem dak kongshibatem dak ajemdaker tangatetbatem agüja liasü. Iba sentong indang omenji “TB Harega, Desh Jeetega” liasü.