Amitabh Bhatia, Andhra aser Telangana Tata Docomo business tekolak asütsü shimogo

Hyderabad, July 8, 2016 : Hokolbarnü Telecom company Tata Docomo-i Amitabh Bhatia Andhra Pradesh aser Telangana na nung Consumer Business Unit (CBU) Head asütsü shimba osang metetdaktsüogo.
Pai Andhra Pradesh aser Telangana na nung tang kanga kara aienba telecom market nung company business aser inyakyim ajak bendanga reprangtsü, ta Tata Docomo sangdong ka ajanga metetdaktsü.
“Telecom industry ano kanga lanu asüba mapang nung Bhatia iba industry nung inyaka aruba ajanga pai iba industry indang business aser inyakyim ajak kanga jangja meteta lir. Pa küm 20 tashi iba industry nung inyaka arur aser brand aika indang inyakyim meteta lir. Pa dak iba tajangshiba aliba ajanga pai telecom market kanga telungi ia angateta lir,” ta sangdong ajangsa ashi.
Pa tan iba mapa atema meshim tsüngda Gujarat telungtet nung Tata Teleservices tekolakba liasü.
“Andhra Pradesh aser Telangana na ya Tata Docomo atema market kanga tajung lir kechiba süra nüburtemi iba service kanga spua amshiteper. Tata Docomo-i item tesem nung maneni aienba sayuteta arudagi aser onoki ozü customer tem den mapang talangka nungi ayuba tesentaktep ano tali tashi itshitsü,” ta sangdong ajanga ashi.
“Onok indang offer aser sentong balala ajanga ano tarutsü nung company tali renloktsü tebilemba lir, ta Bhatia-i ashi.