Amitabh-i semchir Navya sempet ngua kanga süngmanger

Mumbai, July 27 (Agencies) : Megastar Amitabh Bachchan-i par semchir Navya Naveli Nanda dak kententsü sempet aliba atema kanga nüma atanger aser lai piano atemba ngua kanga süngmanger ta metetdaktsü.

Navya Naveli ya Amitabh’er jala tantsüla Shweta aser tebuba Nikhil Nanda na jala lir.

“Tanü kanga dang tesüngmangtsü ka atalokogo. Ozü semchir dak aketba sempet anguba aser lai inyaktetbatem nguogo. Iba ya ni aginüba dang nungi tajungba lir” ta Amitabh-i metetdaktsü.

“Navya-i miimbanga ayuba sempet angudang ni kanga pelar. La training magi sernung piano kanga junga atemba angudang ni kanga aoksar” ta arishi küm 72 tain Amitabh indang blog nung shia lir.

Amitabh-isa par semchir Navya Naveli den külemi agiba noksa kar sayu.