Amitabh-i Uttar Pradesh sorkar dang Pension magitsü metetdaktsür

Mumbai, October 21 (Agencies) : Bollywood actor Amitabh Bachchan-i Uttar Pradesh sorkar dang par kibong nem pension agütsütsü aliba jagi sensaker ang kar yariang ta mepishia metetdaktsü.

Ita shia Amitabh’er kibong nung züngsem shia nem Rs 50,000 agütsütsü atema UP sorkari telemtetba agia lir.

State sorkar indang tesüsaba pension scheme nung Amitabh, pa kinungtsü Jaya aser jabaso Abhishek nunger nem ita shia sen 50,000 agütsütsü shim. Uttar Pradesh nung Yash Bharti Samman angur shia nem iba ya agütsütsü sorkari telemtetba agi.

“UP sorkari ozü kibong nungi Yash Bharti Award angur nem pension agütsütsü telemtetba agiba akhümtsübua agizüker. Ajisüaka ni UP sorkar dang ozü kibong nem agütsütsü aliba senji sensaker kar yaritsü atema ang amshiang ta ni mepishir” ta Amitabh-i sangdong ka nung metetdaktsü.

“Iba dak sendakba nung ni Chief Minister dangi shidi zülutsü” ta arishi küm 73 tain Amitabh-isa ashi.