Amitsür ka tamang sarasadem

“Aser kodang Kibubai La angu, pai la dang aochia bilem, aser la dang ashi, ‘Tejepma’”. Lk 7: 13.

Nain yimti nung amitsür ka la akaba ajak agi jabaso ka liasü. La mangyim nüktzü nung alidang Yisu ajuru. La dak Yisu mulung puatsüsa la tamang tulu liasü. Ajeper saka Yisu dak teimla marakzüi amanga tasümang bener leperi oa alidang Yisu ajuru.
Lai jagi ashir, Yisui la angu, telok tulu nungji jangja-jangja angu. Yisui la dang aochia bilem, aser la dang ashi, “Tejepma” Telok tulu saka la Yisui ajitet, Kechiba ? La taküm tesüngjem, temerük la tamang, la mapa, taküm aliba tamangtsür.
Lokti tulu nungji tangar dang alia Tsüngrem metetba la dak Yisui angu. Yisui la mulungjang taroktiba nung tanüngba ajitet. La tanüngba tejak nungi Yisui aochia bilemtsüsa la tamang aser teimla liasü. La tamang ama Yisui nü dang aria aochia bilemtsüba asenoka lir mali ? Shisadangdi.
Asen taküm aser kibong nunga tebilemtsü ali asü mali iba asoshi asenia koda taneptsü lenmang bushir. Lai temulungjang telongtiba nungi ajemalua khuret aben. Tsüngremi sayatenya inyak. Jabaso tasü nungi shia arudaktsü. Asenokia la nungi tanela lesson agidi aser Tsüngrem bushidi.
Sarasadem :
O Kibuba, ni Nü dangi menen khuret bener arur; ni agizükangma. Amen.