New Delhi, Feb. 10 (Agencies): India nung computer hardware aser electronics yanglur Amkette company-i Mongulbarnü Evo Gamepad Pro tapu balaka sayaogo.
Evo Gamepad Pro ya Android device atema Bluetooth gamepad ka lir. Gamepad Pro 2 nung media control buttons lir aser Google Play Store nung aliba app ajanga compatible games 400 asayateter.
“Nisungtemi Evo Gamepad Pro kanga sapua amshiteper aser talisa smartphone gamers-i kanga amshir. Tanü sayaba tapu nung Android gamers atema features aika talila enoka lir” ta Amkette Director Rajiv Bapna-i metetdaktsü.
Evo Gamepad Pro 2 indang jenjangji Rs 2,899 lir aser e-commerce website, Amazon nung dang ayoktsü.
You must be logged in to post a comment Login