Ammang nung tesangwa ka – T.Ken 119:105-112

Nai iba tekong metetta alitsü akok saka ibai nai mezüngbuba angashir ama tashi agi züngang. “Ne O kü tsüng asoshi milen, aser kü lemang asoshi tesangwa lir” (t.105). Iba tekong nungi kechi lesson nai angazüker?
Alimaji tammang. Iba nung jakla aser tangazükba shisatsü tammang teti alir. Tanü asenoki kaket shisatsü tali angur aser shisatsü (wisdom) ajema angazüker. Nüburtemi tamashi telemtetba agir. Alimaji tanelaren a tammang lir. Satani nübur shisatsü ramia kümdaktsür. Parnoki Yisu Khrista nung Tsüngrem sentsüwangshiji mereprangner.
Lemangji tejangja lir. Iba ammang lima nung asenoki lemangji koda sangwa küdaktsütet? Tsüngremi ajak asoshi lenmangji sangwa yangluja kar aser koleni anitsü asenok shisabulutsü mali. Ibai taküm, temeshi aser temoatsü lenmang lir.
Asenok jajabaji tejangja. Asenoki mera shia nung Tsüngremi asenok asoshi inyakba tejangjaba ngua aor. Ken ken asenoki lemangji talangi oa angutsüsa tesangwaji aginer. Saka Tsüngremi ashir, “Nai tamang agi jajatsü angazükang. Nai taremzük agi jajatsü angazüktsü, kü tenangzükba ajanga.”
O ji temulung lemtsü o. O tesangwaji maseper aser iba yagi na memezüdaktsütsü. Kodang nai Laishibaji züngdir aser iba ochi jagi ne lemang sangwadaktsüdir, nai kechi inyakdaktsüner, Tsüngremi ne dang sayutsü.
Nai tamang agi jajara, nai mapang ka nung mera ka dang jilia angutsü akok. Tasü itang, lemangji tejangja aser Tsüngrem O ji temulung lemtsü O lir. Tanü na iba ammang lima nung jajadang ibai na asoshi tesangwa südakjang.