Amongnu NITI Aayog Governing Council senden amentsü

New Delhi, Aami/June 15 (Agencies): Amongnü Rashtrapati Bhavan nung Ato kilonser, Narendra Modi mendenbuba ser NITI Aayog Governing Council senden pezübuba amentsü, ta tanü ketdangsertem sangdong ka ajanga metetdaktsü.
Iba senden nungji Council-i aluyimertem income anasü agi timba akumtsü, flagship schemes-Ayushman Bharat, National Nutrition Mission aser Mission Indradhanush reprangshitsü.
Senden nungsa aspirational districts nung terenlok mapatem aser Mahatma Gandhi sor küm 150 ajungba anogomong sentong atema jembitsü.
Anogo ka piyong senden nung Union Minister tem, Chief Minister tem, Union Territories nung Lt Governors aser sorkar tongti ketdangsertem adentsü.
Linük nung terenlok onüktem nung mangdang asalentong yanglutsü atema NITI Aayog Governing Council nem mapa lemzükja lir.
Iba Council-i tesüiba kümtem nung inyakba mapatem reprangshir aser tarutsü nung inyaktsü aliba terenlok mapatem atema asalentong yanglua arur.