New Delhi, September 11 (Agencies): Kibong aser yimti nung nüngdakbatem yanglutsü asoshi latetsüba, Atal Mission for Rejuvenation & Urban Transformation (AMRUT) kübok teinyaktsü sentongtem Rajasthan-i tama agütsüogo.
Rajasthan sorkari iba project ya telemsa ana küma lemdanger inyaktsü tebilemba lir- tzü ajak peria angutsü asoshi aser jana aotsü lenmang yanglutsü. Iba project ana ya inyaktsü asoshi sen core 1,087 nüngdaktsü koba union urban development ministry ajanga yaküm lemzüktsüa lir.
“AMRUT project tem ya Rajasthan nung AMRUT yimti 28 rongnungi 13 dang inyakang ta nünglokja liasü. Item yimtitem rongnung Alwar, Beawar aser Nagaur densema parnoki lemteta aliba project anaprongla tenzüka inyaktsü,” ta Hokolbar nü urban development ministry ajanga metetdaktsü.
Tzü ajak peria angutsü project ji yimti tenet nung inyaktsü, aser itemji, Baran, Bhiwar, Bhilwara, Chittorgarh, Dhaulpur, Ganganagar City aser Sujangarh yimti tem lir.
Bhiwadi, Sikar aser Udaipur yimtitem nungbo jana aotsü lenmang atema dang inyaktsü, ta ministry-isa ashi.
AMRUT atema sentong Rajasthan-i tama agütsüogo added by asungba on
View all posts by asungba →
You must be logged in to post a comment Login