AMRUT kübok Dimapur nung tongti mapatong 4 inyaktsü

Dimapur, June 25 (TYO) : Atal Mission for Rejuvenation and Urban Transformation (AMRUT) kübok Dimapur jila nung tongtipang mapatong pezü inyaktsü lir.
Mapatong pezü rongnung foot over bridge yanglutsüba dena lir aser itemji Centre-i teyari agütsüba scheme kübok inyaktsü.
AMRUT scheme ya Prime Minister, Narendra Modi-i June 2015 nung tenzüktsü aser iba ya urban tesemtem nung sewerage networks aser water supply nüngdakbatem yanglutsü atema lir.
AMRUT küm ka ajungba tenüng nung tanü Dimapur Municipal Council (DMC)-i sentong ka ayongzüka agidang DMC, CEO, Atokhe Aye-i iba osang metetdakja liasü.
Iba sentong nung Dimapur kübok Village/ Colony council züngsemtem aser NGOs aika aden.
“AMRUT indang maparen nung capacity building, reform implementation, water supply, sewerage & septage management, store water drainage, urban transport aser green spaces & parks densema lir,” ta Atokhe Aye-isa metetdaktsü.
Urban transport & development kübok Dhobinala junction aser Deluxe point nung foot over bridge ana yanglutsü aser PWD Housing complex, Dimapur nung child friendly park ka yanglutsü. Ano, water supply & sewerage kübok PHE department-i Dimapur nung kilen shia water supply agütsütsü aser waste treatment plant ka yanglutsü.
Tanü sentong nung colony/ village council züngsemtem dang DMC CEO-i pei pei yimtsüng aser kiyong nung aliba nübortem dang pei temeket merükmejua ayutsü indang tangatetba metetdaktsütsü aser janatem dustbin nung endoktsü metetdakjang ta ayongzük.