Amur Falcon conservation week nung Angh, Acharya tetushi tejaoker asütsü

Kohima, Yimpoksüi/November 07 (TYO): Department of Tourism aser Department of Environment, Forest & Climate Change-i Yimpoksüi/November 8 nungi 10 nü tashi Doyang PROJECT SITE, NEEPCO Wokha nung anogo asemnü Amur Falcon conservation week ayongzükogo, ta tanü ketdangsertem osang ka ajanga ametetdaktsü.
Amur Falcon conservation week nung Yimpoksüi/November 9, 2018 nü state Angh, B.P. Acharya tetushi tejaoker asütsü.
Anogo asemnü sentong nung Doyang Hydro Project tesem penzüa reprangtsü atema Zip-line thrill alitsü, zorbing, boating, angling, camping aser Doyang ngo aser aonsotsü balala indang Lotha nunger chiyungtsütem angutsü.
District Administration Wokha den Department of Tourism aser Department of Environment, Forest & Climate Change-i nübur ajak dang iba sentong nung adentsü aser tang mezüngbuba Amur Falcon Conservation Week nung kulisüa adentsü pelashishia jaoker, ta kasa osang nung shia lir.