Amy Childs-i mezüngbuba tanur, jala ka aso

London, April 30 (Agencies) : Amy Childs-i mezüng tanur, jala ka sogo. Pregnant Made In Chelsea nung shilem agila, Binky Felstead-i Amy mezüng tanur asoba osang metetdaktsü, aser lai Twitter ajanga pelaba lemstepba ngua Amy-ia: “Kanga pelar, ozü jala ajak tabensa nung sotetogo,” ta tweet asü.
Amy aser tetong Bradley Wright na jala mezüngbulaji tanep, Deobar anepdang 6:42 ako nung aso.
Binky-i mezüngsüa Amy den pelaba lemsatepa tweet asüba nung, “EEEEEK kanga junger !!!! Na aser nür kibong den tepela lemsateper aser alima nung tepela ajak nür meyong süang!” ta zülua lir.
Amy tanur asotsü anogo ang lia ki takdang azükba jenjang nung ajempeter mezüzüka alua tsük.
Arishi küm 26 tain, Amy-i, “Taoba hopta ni takdang azükba nungi jenjang ajemjir alua tsük. Iba mapang temesüla indang temezüng pezü tashi alu aser temang nunga zübu kar keta yiru,” ta ashi.
“Ni kanga aoksa aser ni kidang kü den yaritepla aritepa aja, ajisüaka ajak junga liasü kechiba süra ni kongyimi lua anen aser ibaji süli kü tebok nung kü jala arakzüba ni meteta kü tetsübu samadok aser ni timtem mali ta bilema aru. Ajisüaka ni alangli kanga aoksaba agi tenük nungi nüktzü alua liasü,” ta laisa ashi.
Amy-i, “Ni mashisa akümer amai asüba agi scan pezüben tashi agidang ni jala ka bena lir ta jangja,” ta ashi.
Ashiba agi Amy aser tetong Bradley Wright nati tena jala asoshi tenüng pungu yuja lir aser item tenüngtem rongnung ka la nem jatsütsü.