Amy Louise Jackson

Arishi küm 23 tain British tsür model Amy Louise Jackson-i India nunger film industry nung shilem kanga junga agia arudagi.
La college züngtemer külen küm 16 asüdang modeling nung shilem agia aru aser 2009 küm ‘Miss Teen World’ takok korang angu. Ano 2010 küm-a lai ‘Miss Liverpool’ takong korang nguogo.
Iba sülen, Tamil film director A. L. Vijay-i Jackson den metettep aser 2010 küm Tamil period-drama Madrasapattinam nung shilem agidaktsü.
Jackson-i la UK nung modeling mapa teinyakdak mapang India Film industries nung shilem balala agia aru.
Lai Bollywood nung mezüngbuba 2012 küm romantic drama ‘Ekk Deewana Tha’ nung shilem agi aser ano 2015 küm Shankar-i yangluba ‘I’ romantic thriller film nungjibo kanga sapua nüngtuko süa yanglutetogo.
Lai 2010 küm ‘Madrasapattinam’ (Tamil), 2012 küm ‘Ekk Deewana Tha’ (Hindi), 2012 küm ‘Thaandavam’ (Tamil), 2014 küm ‘Yevadu’ (Telugu), 2015 küm ‘I’ (Tamil) aser 2015 kümsa ‘Singh Is Bliing’ (Hindi) film nung shilem agiogo aser ano ‘VIP 2’ (Tamil), ‘Gethu’ (Tamil) aser ‘Vijay 59’ (Tamil) filmtem nung shilem agidagi.
Amy Louise Jackson, January 31 nü 1992 küm Isle of Man, United Kingdom nung aso.