AMZ Club-i volleyball asayamong ayonger

Dimapur, April 06 (TYO): Akhoya Medemzünga (AMZ) Club-i taruba May ita 3-4 nü tashi volleyball asayamong asayatsü ayongogo.
Iba asayamong ya taoba küm 3 tashi Changtongya Town aser temeket tesem nung alir lanurtem asoshi dang ayonga aru saka taküm nungi tenzüka, Changtongya Town dang masü saka Langpangkong yimtsüngtem nungi tejangrar lanur ajak nem iba asayamong nung shilem agitsü maongka agütsütsü asoshi lemtetshiba osang ka AMZ Club-i tanü sangdong ka ajanga metetdaktsü.
Tan asayamong nung shilem agitsü jangrartemi temonotiba agi tan April ita 25 nü tashi nung phone no. 8974196018/8974902656 ajanga tongteprateptsü asoshi kasa sangdong ajanga metetdaktsüogo.