AN-32 atema US dang satellite osang meshiogo

New Delhi, July 29 (Agencies): Hokolbarnü Parliament nung Union Defence Minister, Manohar Parrikar-i, India-i US dang teyari meshia parnok satellites ajanga AN-32 tayimtsü nungi signals karbo ngur ma ta asüngdangogo, ta metetdaktsü.
Rajya Sabha nung Parrikar-i, tayimtsü ajungbena samaba ajanga süngmanger, aser mongintema mangmanger, ta ashi.
“Ajungbena samaba ajanga ni-a süngmanger. Ni Air chiefs aser Air force personnels aika den jembiogo. Ajungbena samaba ajanga parnoka süngmanger,” ta pai ashi.
Paisa, iba tayimtsü nung “adequate lifetime” liasü. tayimtsü tsükokba ajemtsü atema meranga inyaker aser ayimtsü temsüa maliba tayimtsütembo mamshir, ta ashi.