ANAHTA-i anogo 10 nü lungkak aitba anena atatsü

Dimapur, November 7 (TYO) : November 10, 2015 nungi tenzüka anogo ternü atema ANAHTA züngsemtemi lungkak aitba anena anentsü telemtetba agiogo, ta tir Vikeyi V Achumi aser tongti tezülur Sentimenla nati sangdong ka nung metetdaktsü.
Tan hopta tsüngda department-i itasen aser arrears magütsüi aliba agütsüra onok tesayurtemi akhi ama mapa inyaktsü saka nangzükba ama meinyakra ANAHTA-i kechi junger ta bilemdir inyaktsü aser iba khuretji onoki mabentsü, ta mendenpurtemisa sangdong nung shia lir.
Ita pungu tashi itasen mongui timtemertem tiyazü tenangzükbatem ajanga kodanga tesünep mangutsü. Iba jagi tesayurtemi sorkar aser department dang MHRD-i 2014 November ita agütsüba shidi nung tetuyuba ama inyaktsü mepishia asüngdang. Ano, April 1, 2014 nü sorkari tetuyuba agütsüba nunga service rule ji ajak atema lir ta shia lir. Anungji onok angutsü temeten agüja aliba ama onoki takhangba agütsür, ta ANAHTA sangdong nungsa metetdaktsü.
ANAHTA ji unregistered Association ka lir ta jembibaji department tejak meiba inyakyim ka dang lir, kechiyong ANAHTA ya “pressure group” ka lir aser registration melii inyaktettsü temeten lir aser talisa ANAHTA ya ozüngi melaba telok ka lir, ta sangdong nungsa shia lir.