ANAHTA-i lungkak aittsü amokmerener

Dimapur, October 7 (TYO) : All Nagaland Aggrieved Hindi teachers Association (ANAHTA) pur ita ti tashi itasen mongui arur saka Department-i tekaratiba nung onok nem itasen agütsütsü ta teimla yur onoki mapa inyaka arur, ta Co-Convener, Sorenthung Murry-i sangdong ka nung metetdaktsü.
Küm piyong tangar dang nungi sen apua onok liyonga arur aser tang onoki February 2017 tashi tanurtem indang school fee agütsütsü atema khuret ajurur. Anungji department-i onok takhangbatem atema telangzüngba magütsüra, August 11, 2016 nü lemtetba ama October 17, 2016 nungi onoki class-i moi lungkak aittsü aser ibaji ANAHTA tesayur ajak nem itasen magütsü tashi agitsü, ta ANAHTA sangdong nungsa shia lir.