ANAHTA-i Nov 26 nungi lungkak aittsü

Dimapur, November 21 (TYO) : ANAHTA-i department dak tamang kaa anogo 10 tashi lungkak aitba sentong thinena ata saka department-i telangzüba magütsüba ajanga November 26, 2015 nungi DOSE Kohima nung lungkak aitba sentong agitsü telemtetba agiogo, ta ANAHTA Convenor Vikayi V. Achumi aser General Secretary, Sentimenla nati sangdong ka nung metetdaktsü.

Department-i onok takhangba atema telangzüba agütsütsü ta teimla nung ataa liasü saka latettsüba anogo süiaka onok nem agütsütsü aliba itasen aser arrear magütsür aser iba jagi department-i onok hao ta maliba sayur, ta sangdong nungsa shia lir.

November 26, 2015 anepdang 8:30 ako nungi DOSE Kohima nung ANAHTA züngsemtemi lungkak aitba sentong tenzüktsü, anungji district nung tanishirtem ajak November 24 tashi nung Kohima atongtsü metetdaktsür. Iba mapang leave magizüktsü aser marurtem teloki lemteta aliba ama temerenshi alitsü, ta ANAHTA ketdangpurtemisa metetdaktsü.