Anantnag nung telungpurtemi CRPF amak, sepai trok yiru

Srinagar, December 07 (Agencies): Tanü south Kashmir, Anantnag district nung CRPF tem Srinagar-Jammu national highway nung bus lia mejangjaba telungpurtemi injang kahlokja amakba lendong nung tajemba agi CRPF sepai trok yiruogo, ta osang ka ajanga ashi.

CRPF temji bus ka nung Srinagar nungi Jammu-i aoba mapang Srinagar nungi kilometer 50 shi pila oor Bijbehara kübok Samthan anasa Green Tunnel nung lia telungpurtemi injang kahloktsü, ta police ketdangser kati ashi.

Iba lendong nung CRPF sepai trok yiru, ta pai ashi.

Yirua alirtemji Anantnag nung aliba hospital kati anir ogo, aser telungpurtemi amakba tesem nungji telungpur mita ao tenzükogo, ta paisa shisem.