‘Anarkali’ film atema inyakdang kanga jangaratemogo: Kabir Bedi

September 11, 2015: Actor Kabir Bedi ya mapang talangka film nung shilem magi aruogo, ajisüaka asenoki pa Malayalam film “Anarkali” nung angutsü. Pai ashiba agi, iba film asoshi actor Prithviraj Sukumaran den inyakdang pa kanga jangratema liasü.

Kabir-i twitter ajanga iba film ya taruba ita sayatsü ta lemsatepa liasü.

“Malayalam film ‘Anarkali’ nung shilem agidang kanga jangratemogo. Iba film nung tongti shilem agirji Prithviraj Sukumaran lir aser iba film ya taruba ita sayatsü,” ta “Octopussy” film nung shilem agisang, Kabir-i twitter ajanga Hokolbar nü lemsatepogo.

“Anarkali” ya drama film ka lir aser Miya George, Priyal Gor aser Biju Menon nungeria i iba film nung shilem agia lir.