ANATG 2015 Dimapur Unit-i metetdaktsür

Dimapur, Aami (June) 16 (TYO): Nagaland Ad-hoc Teachers Group (ANATG) 2015 Dimapur Unit-i züngsem ajak dang Agitation Core Committee aser Central Body ajanga tetuyuba agütsüba sülen anidaktsü metetdaktsüogo.
Aami (June) 18, 2018 anepdang 8:00 ako shitak nung züngsem ajak Directorate of School Education Kohima atongtsü metetdaktsür, ta ANATG 2015 Batch Dimapur Unit Tir, Surhota Yhobu aser Tongti tezülur Kughalu Swu nati sangdong ka nung ashi.
Lungkak aitba sentong nung madenertem dak tapet temerenshi alitsü aser tangatetba shitak aliba senso ajaki onoki temeten atema noktakba mapa pusema nungittsü mepishir, ta ANATG 2015 Batch Dimapur Unit mendenpurtemisa metetdaktsüogo.