ANBR-i Wb.Alemtoshi mang ayimer

Dimapur, Nov.28 (TYO) : Akhoya yimtak yimsüsür tatar Wb.Alemtoshi Longkumer, anojungi iba lima nungi Mongolbar nep pilaa aoba asoshi kanga sasar aser asür kinungertem den mangyim jashi lemsateper ta Akhoya Nunger Bendanglir Reju sangdong ka ajanga metetdaktsüogo.
Asür Wb.Alemtoshi Longkumer ya lanuwa nungi lokti meimba nisung ka liasü. Iba tangatetba shisatsü tajung agi pai lokti aser arogo nung shilem tajung aika agia aruogo. Pa dak ken mejemtsü aser atentsü sempet tajung keta liasü. Iba sempetji amshia pai Akhoya naklu ken mejema toktsüogo ta ANBR telokisa asür nüng sanga ashi.
Pa ya yimtak tatar yimsüsür ka dang masü saka Nagaland GBs Association nunga tadong tir liasü.. Pa ama sempet tajung aika keta aliba yimsüsür lenir tajung ka asübaji kinunger asoshi dang masü saka ajak atema kanga takoksa lir ta ANBR-isa mangyim jashi aser tesasaba ken o ka metetdaktsü.
Pa meliaka pai yimtsüng, arogo aser lokti asoshi inyakba mapa tajungtem kodanga mamatsü. Tsüngremi asüri toktsür aoba kinungertem nem tashi tasen aser tesünep agüjangma ta ANBR teloki sarasadema metetdaktsü.