ANBR teloki Alemtoshi nüng asanger

Dimapur, Nov.18 (TYO) : Taküm 2015 küm Nagaland Public Service Commission (NPSC) ajanga agiba tatidang nung Wb.Imlimeren Imsong’er jabaso Alemtoshi Imsongi Works & Housing department nung Assistant Mechanical Engineer ( Class-1 Gazetted) mapa tajung ngutettsüsa takok tulu ngutetba asoshi pa nem tenüngsang tulur agütsür ta Akhoya Nunger Bendanglir Reju (ANBR) teloki metetdaktsüogo.
” Pa ama tashi tanga, tenendak aser Tsüngrem tsübuba taküm kati iba ama takok tajung angubaji tanü lanu asensortem ajak asoshi tatishitsü tajung ka asütsü,” ta ANBR telokisa metetdaktsü.
Tsüngremi Nagaland nung nübortem ajangzüktsüsa inyaktettsü asoshi pa taküm aser mapa nung maneni moajang ta ANBR telokisa sarasadema metetdaktsü.