ANCSU Collegiate Meet osang

Dimapur, Yimpoksüi/November 15 (TYO): All Nagaland College Students Union (ANCSU) Collegiate Meet 2018, November 13, 2018 nü Dimapur Govt College nung tenzüka liasü aser tanü agia tasemnübuba anogo nung saisapong balala asayaba sülen nikongdang Rural Development Advisor, Dr. Neikiesalie Nicky Kire tetushi tejaoker süa Beat Contest agi.
O tatsüka jembidang Kire-i kaketshirtem aser college tem dang saisapong aser kentenmenü nung temelung agutsütsüla, kechiyong tanüasüng itemji ajanga sen aika aazüker, ta metetdaktsü.
Kire-isa kaketshirtem dang pei nükjidong nung rangloker inyaktsü aser peii shimba lenla nung tajungtiba akumtsü ajungshi.
Takok angutsüji tongtibang, ajisüaka shilem agitsüji tongtibangtiba, ta paisa shisem.
Social & Cultural Secy. ANCSU, Keneitsituo Kense-i beat contest dak sendakba okila jembi aser sentong ketdangsürji Atokali D Chishi aser Ruopfukuolie Chutso na liasü.
Beat contest nung telok 11-i shilem agia ken tena toktep.
November 14 nikongdang collegiate meet tongti host, Higher & Technical Education Minister, Temjen Imna Along-i kaketshirtem den sentong ka agia liasü.
Iba Meet ya November 16, 2018 nü tembangtsü aser iba anogo nung Football final match patron ji taoba mapang NSF Tir, Kelhouneizo Yhome asutsü aser Volleyball final match patron ji Entrepreneur & Vice President DDADU, Tito Yepthomi asütsü.
Iba Meet tembangba sentong nung tetushi tejaokerji Youth Resources & Sports Advisor, Er.Zale Neikha asutsü aser nikongdang Miss. ANCSU tetoktepba agitsü.