ANCSU-i akhangba onüktem atema CM-i teinyaktsü kar metetdaktsü

Kohima, Luroi/August 16 (TYO): ANSCI-i akhangba onüktem atema Luroi/August 14, 2018 nü Nagaland Chief Minister indang residential office nung senden ka menogo, aser iba senden nung lemtetba nung ajemdaker Chief Minister-i teinyaktsü kar metetdaktsü, ta Commissioner & Secretary to CM, Abhishek Singh-i sangdong ka ajanga metetdaktsü.
Science College ali atsünga agiba ken o dak sendakba nung Kohima Deputy Commissioner-i survey mapa tembangtsü aser sorkari tapet inyaktsü atema hopta trok tsüngda report agutsütsü tuyuogo aser 2017-18 küm atema Scholarship magutsüba dak sendakba onük nung, kaketshirtem nem first instalment agutsütsü atema inyaktsü aser tanüngba instalments agutsütsü atema India sorkar nem utilization certificate agutsütsü; Iba dak alia state senotsü jenjang mejungi aliba apir magutsüi aliba scholarship agutsütsü atema state senpong nungi agutsütsü asoshi lenmang bushitsü, ta kasa osang ajanga metetdaktsü.
Common Scholarship Cell ka ajanga Scholarships agutsüba inyakyim tajungba akumtsü nükjidong nung scholarship agutsüba department ajak nungi inyakyim tajungba akumtsü atema osang meshitsü.
Nagaland adener tangalen azüngertem atema insurance scheme benoka inyaktsü atema sorkari cell ka tentettsü, aser iba kübok sorkari tia makai asür kaketshir nem sen lakh 5 agütsütsü. Scholarships achaayangtsü atema kasa cell nem mapa nungloktsütsü asoshi asadangtsü.
Ano Deputy Commissioner ajak dang sorkar college/rejutem li atsünga agiba ken o kar danga lira osang meshitsü, aser item osangji ita asem tsüngda agutsütsüla.
Iba dak alia college nung academic inyakyim nung tetsükdaktsü kecha malitsü atema nüngdakba mera kar agia inyaktsü, aser pei kabu nung ozüng amshia inyakertem nem temerenshi tulu agutsütsü, ta kasa sangdong nung shia lir.