ANCSU-i Dec 1 nungi lungkak aitba shilem tasembuba tenzüktsü

Dimapur, Nov. 29 (TYO): Nagaland sorkari kaketshir nem scholarship agüjang ta takhangba agüja All Nagaland College Students Union (ANCSU)-i lungkak aitba sentong agitsü.
November 20, 2015 nungi ANCSU-i yimya balala ajanga lungkak aityonga arur, saka sorkar nungi telangzüba tajung ka danga mangu lir. Iba jagi ANCSU-i Nagaland Chief Minister nem tezüluba nung tetuyuba agüja aliba ama lungkak aittsü, ta ANCSU Vice-president, Temjennungsang Jamir aser General Secretary Benjongakum Longchar nati sangdong ka nung metetdaktsü.
Anungji, December 1, 2015 nungi tenzüka ANCSU-i lungkak aitba shilem tasembuba tenzüktsü. Sorkari iba anogo tashi nung scholarship magütsüra kaketshirtem ajak December 1 anepdang 9:00 ako nung ANCSU office kima atongtsü metetdaktsür, ta ANCSU Mendenpurtemisa sangdong nung shia lir.