ANCSU-i mapang telatet makai lumia lungkak aittsü

Dimapur, June 3 (TYO): All Nagaland College Students’ Union (ANCSU)-i Nagaland Chief Minister dang parnoki akhangba ama mapa inyaktsü mepishiogo.
ANCSU-i Chief Minister dang Director, Technical Education, Nagaland mapa nungi anentsütsü aser sen crore 1.32 tashi State Technical Scholarship funds tim mesüi amshiba ketdangsertem merenshitsü takhangba agütsü.
Parnokisa scholarship schemes ajak inyaktsü atema Nodal Cell ka lapoktsü aser Kohima Science College o tanga sorkar college/rejutem indang ali ken o tem angatetteptsü atema takhangba agütsü.
ANCSU-isa Chief Minister dang Department of Higher Education, Nagaland kübok Nagaland Public Service Commission (NPSC)-i Assistant Professor mapa 110 indang advertisement agütsütsü atema takhangba agütsü.
“Nagaland nung state aser centre sorkartemi tenzüka aliba scholarship schemes ajak bushisüngdangtsüla. Item onüktem atema telangzüba tajung mangu tashi ANCSU-i June 4, 2019 nungi tenzüker mapang telatet makai lumia lungkak aittsü” ta President Katho P Awomi aser General Secretary Vimeyiekho Vitso nati Chief Minister dangi züluba shidi nung shia lir.