ANCSU-i Police Department indang PIL pusemer

Dimapur, September 5 (TYO): Nagaland Police Department nung Grade IV mapatem nung nisung 239 backdoor ajanga shimokba anema Gauhati High Court nung Public Interest Litigation (PIL) benoka alibaji All Nagaland College Students’ Union (ANCSU)-ia pusema nungiter, ta mendenpurtemi sangdong ka nung metetdaktsü.
Sorkari lemtetba ama mesüi Police Department nung tesüiba kümtem nung non local 239 tashi mapa nung shimoka lir. Police Department-i lisopur nem lemzüka yutsüba mapa nung non local tem shimokbaji loktilibai magizüker, ta ANCSU tir, Temjennungsang jamir aser Tongti Tezülur, Benjong Longchar nati sangdong nung shia lir.
Iba ken o atema oakdaki public taginüba ama temeden agütsütsü imlar, ta ANCSU mendenpurtemisa ashi.