ANCSU Inter College Sports Meet tembangogo

Dimapur nung ayonga asayaba ANCSU Inter College Sports Meet tebur football final asaya akokba sülen St. Joseph College, Jakhama asayartemi takok marok bener agiba noksa ka yangi angur. (Dimapur, November 12)

Dimapur, November 12 (TYO): Anogo 4 tashi agiba sülen All Nagaland College Students’ Union (ANCSU) Inter College Sports Meet cum Beat Contest 2016 sentong tanü, Honibar nü tembangogo.
‘Igniting Oneness’ omen nung ayonger Unity College nung agiba tetoktepba shibangba sentong nung Deputy Commissioner of Police, Dimapur Zone-2, Dr. K.P. A. IIyas, IPS tetushi tesemdanger liasü.
Tan tetoktepba tebur football final asaya nung St. Joseph College, Jakhama teloki goal 4-1 agi Oriental College, Kohima tsükdakja, champions telok aküm.
Individual shilem nunga Oriental College nungi Punuru-i Best Player; St. Joseph College nungi Akhiho K Chishi Best Defender; St Joseph nungisa, Neiphivilie & Viho Kin nati Highest Scorer; Eastern Christian College nungi Kehuponvi-i Best Midfielder aser St. Joseph nungi Neiviseto-i Best Goalkeeper sempet/senpet agizüka liasü.
Tetsür volleyball final asaya nung Pranabananda Women’s College, Dimapur teloki Kohima College tsüktsü aser iba asaya nung Tonikali aser Tsuipui nati Best Player sempet/senpet agizük.
Ano külen, Dimapur Government College auditorium nung yasüng, Hokolbar aonung agiba Beat Contest tetoktepba sentong nung Director, Higher Education, I. Alempokba Imsong tongti tesemdanger liasü.
People’s College, Mokokchung-i SD Jain Girls’ College, Dimapur telok den temaba jenjang ngua, Beat Contest tetoktepba nung 1 buba jenjang ajangzük.
Individual shilem nung People’s College nungi Taliyanger Lemtur-i Best Vocalist, Temjenmongba Lemtur-i Best Guitarist, Tiatemsu Jamir-i Best Drummer, Imtizenba-i Best Bassist sempet agizük aser Dimapur Government College nungi Temsubenla-i Best Keyboardist sempet agizüka liasü.