ANCSU meet tembangogo

Dimapur, Yimpoksüi/November (Agencies): ANCSU (All Nagaland College Students Union) collegiate meet sentong tembangogo.
Anogo pezü tashi agiba ‘collegiate meet’ sentong nung tetsüshi tesemdanger aser tongti nisung aika arua denogo.
Tebur football aser tetsür volleyball final asaya mapang taoba NSF president Kelhoiniezo Yhome aser Tito yepthomi na tetushi tesemdanger ama jaoka liasü.
Tito Yepthomi ya business inyaker aser politician lanur ka lir. Tetsür volleyball final asaya nung pa tetushi tesemdanger ama denogo.
Tito-i o jembiba mapang, iba meet ya meja meja/alaktetta college kaketshirtem atema tatishitsü aser tajangzük aketba sentong ka lir, ta ashi.
Govt. sector nungdang rangloker mapa mepushii, saisapongba wadang nunga career ka ama inyaka jenjang balala nung state aser linük tenüng nungi shilem agitettsüsa inyaktsüla, ta Tito-i sentong nung adenertem ajungshia liasü.
Tito-isa, tetsürtemi wadang balala nung jenjang tulu ajangzüktetba, talisa saisapong aser tanga business tsütsü takok tulu anguba indang shia lokti tajungba yanglutsü atema tetsür o tebur na tsüngda tebendang kecha malitsüla, ta metetdaktsü.
Tesüiba mapangtem nung pai (Tito) ajangshiba indang lemsatepba den külemi asenok inyakba ajak nung Tsüngrem tama südaktsür taküm liyonga aotsüla, ta Tito-isa kaketshirtem nem tajungshiba agütsü.
Iba asayamung volleyball final asaya nung jaokba atema Tito-i asayamung achayangertem dang pelaba lemsatepa liasü.
Tarutsü nunga pai tongtetba aser akokba tashi agi iba lokti yaritsü asoshi sentong nung adenertem dang metetdaktsü.
Tebur football final asaya nung Kelhoiniezo Yhome tetushi tesemdanger ama aruagi dena liasü.

ANCSU meet saisapong balala nung takok angur tenüngtem yamai alitsü:
Football : 1st- Sakus Mission College Dimapur.
2nd- salt Christian College Dimapur.
Volleyball: 1st- St John College Dimapur
2nd- Phek Govt. College
Badminton: 1st-Fazl Ali College Mokokchung
2nd Sakus Mission College Dimapur
Best Disciplined Award ji Kohima College-i ngua liasü.
Anogo pezü tashi agiba meet tetendangba ajak nung
Sakus Mission College, Dimapur-i takok nguogo.