Andhra nung Spain nunger 4 tsükset

Hyderabad, August 05 (Agencies): Andhra Pradesh kübok Chittor district nung mini bus ka truck ka den tsüktepba lendong nung Spain nunger pezü tsükset aser ana yiruogo; iba lendong nungsa bus anisangjia asü, ta tanü police-i metetdaktsü.
Bendangertemji Anantapuramu district nungi Puducherry-i bus nung aoba mapang Madanapalle-Punganuru lenmang nung iba lendongji atelok.
Anantapuramu district kübok yim ka nung Spain nungi telok kati Rural Development Trust mapa inyakdar, aser ibaji reprangshitsü atema Spain nungertemji aruba liasü.
Chittoor District Collector, P S Paradyumna-i Madanapalle Sub-Collector, Vetri Selvi dang yirua alirtem nem medical teyari tajungtiba agüjang aser asürtemji tekaraba nung post-mortem agiang ta tetuyuba agütsüogo.