Andhra Pradesh gari lendong nung nisung 15 asü, 10 yiru

Ongole, October 17 (Agencies): Honibar nü Andhra Pradesh, Prakasam district kübok Kandukur jila anasa mini truck ka nung kiyir benjung nung adenertem mener bus ka den tsüktepba lendong nung tanur asem densema nisung 15 tsüksetogo, ta police osang ka ajanga ashi.
Police-i ashiba agi, kiyir benjung nung adenertemji mini-truck ka nung Kandukur nungi meyipa aruba mapang Ongole nungi aruba bus ka den tsüktep.
“Mini truck nung mena alir nisung 13 iba tesem nungjisa atanga asü. Gari tsüktepba sülen bus nungjagi mi adok. Gari anisang aser pa den yaritepsang naji iba tesem nungjagi jena ogo. Iba bus nungji passenger tembo meliasü. Yirua alirtemj Ongole nung aliba hospital ka nung yaridar,” ta Police Inspector (Kandukur), Lakshman-i ashi.
Mini truck nungji passenger 40 mena liasü.