Andhra Pradesh nung truck lendong nung nisung 16 asü

Hyderabad, September 14 (Agencies): Tanü Andhra Pradesh, east Godavari district nung truck tulu ka (lorry) lenmang nung meküpba lendong nung yangji mena alir tajemba agi nisung 16 süogo aser nisung aika yiruogo.

Tanep yakta east Godavari district kübok Gandepalli nung iba truck ji meküpba mapang gari nungji alu nung aayanger 35 shi mena liasü, ta East Godavari district Collector, H Arun Kumar-i ashi.

Iba lendong nung asür aser yirurtemji west Godavari district nungi gari nungji apusoa liasü. Nagmati bena aliba gari anisangji anünüba ajanga gari mazüokteti tsükokdaktsü, ta paisa ashi.

Gari meküpba mapang nagmati lung jagi aayangertem anenbang aser tang tashi nung tasümang 16 atsütetogo, ta parnokisa ashi.

Iba lendong atalokli gari anisangjibo jenogo.