Andrew Bunson tenui Tsüngrem dak amanger

New York, April 12 (Agencies): Turkey nung tepuokdak yua aliba American missionary Andrew Bunson tenui Tsüngremi yaritsü ta tamang ayuba nungi masetshii nokdaka lir.
October 2016 nung Brunson aser pa kinungtsü Norine na apu. Tatsüka lir Norine bo chiok saka tang tashi Brunson tepuokdak yua lir.
Yaküm July ita Turkey sorkar atsüngdoktsü merang ta tai tonglokja alisang Fethullah Gülen den Brunson tesentaktep lir ta Turkey-i aitsür.
“Iba ya ozü kinungertem atema mapang tamajung ka lir. Onoki pa kanga meimer aser pa meyipa arudaktsünür. Tsüngrem dak onoki tamang akar. Tsüngrem pa den lir ta onoki amanger aser Tsüngremi iba timtem nungi pa anitettsü” ta Brunson tenu Beth Hartman-i osangbener dang ashi.
Taoba hopta Andrew Brunson-i US President Trump aser U.S. sorkar dang pa atema jembitsütsü mepishia liasü.
“Ni sorkar dang, Trump Administration dang ni atema jembijang ta mepishir” ta pai ashi.